Estonia planifikon të ndalojë vizat turistike për rusët

Estonia planifikon t’ua ndalojë hyrjen në këtë shtet rusëve me viza Shengen, për shkak të luftës së paprovokuar të Rusisë në Ukrainë.

Ministri i Jashtëm i Estonisë, Urmas Reinsalu, ka thënë më 11 gusht se ndonëse vizat Shengen që janë lëshuar nga shteti i tij do të jenë valide, ato nuk do të pranohen për hyrje në Estoni, shkruan REL.

Estonia nuk ka lëshuar viza turistike për rusët pas nisjes së luftës së Rusisë në Ukrainë, me përjashtim të familjarëve të shtetasve estonezë.

Reinsalu ka thënë se vendimi i ri prek rreth 50.000 njerëz që kanë viza të lëshuara nga Estonia.

Sipas tij, Qeveria estoneze do të diskutojë në ditët në vijim edhe mënyra sesi t’ua ndalojë të gjithë shtetasve rusë hyrjen ne Estoni.

LEXONI GJITHASHTU:

• Zelenski i kërkon Perëndimit të dëbojë turistët rusë