EUFOR po “vëzhgon nga afër” situatën e sigurisë në Bosnje

Misioni ushtarak i Bashkimit Evropian në Bosnje e Hercegovinë, EUFOR tha se nuk ka parë asnjë rrezik për situatën e sigurisë në këtë shtet.

Një deklaratë e tillë erdhi pavarësisht tensioneve të shkaktuara nga lideri i serbëve të Bosnjës, Millorad Dodik, që vazhdimisht kërcënon se entiteti serb do të kërkojë pavarësinë dhe do t’i bashkohet Serbisë fqinje.

Dodik – që është i sanksionuar nga Shtetet e Bashkuara dhe Britania nën dyshimet për përpjekje për të destabilizuar shtetin dhe për korrupsion – vazhdimisht ka kërcënuar se do të kërkojë pavarësinë e Republikës Sërpska, nëse Qeveria qendrore e Bosnjës, që është pronare ligjore e aseteve të shtetit, nuk ia bartë pronësinë e aseteve shtetërore entitetit serb, shkruan REL.

Më 23 prill, Dodik u zotua se do të kërkojë bashkimin me Serbinë nëse kjo çështje nuk vendoset në favor të Republikës Sërpska dhe paralajmëroi se policia e këtij entiteti do të patrolluojë kufijtë me entitetin tjetër të Bosnjës, Federatës boshnjako-kroate.

LEXONI GJITHASHTU:

• OKB-ja zgjat mandatin e EUFOR-it në Bosnje
• Klosi për dorëheqjen e Tushaj: Shpresoj të qetësohet, është bërë euforik nga gara