Europol: 36 persona të arrestuar në Ekuador për transport kokaine në portet e BE-së

14 Mars 2025 | 12:53

Një operacion ndërkombëtar i udhëhequr nga Policia Kombëtare e Ekuadorit dhe i mbështetur nga Europol ka çmontuar një qelizë kriminale në Ekuador që organizonte dërgesa të mëdha kokaine në vendet e Bashkimit Evropian përmes porteve, njoftoi sot Europol.

Siç mësohet, gjatë operacionit të zhvilluar dje janë arrestuar 36 persona në Guayaquil të Ekuadorit dhe janë sekuestruar disa automjete, dokumente dhe pajisje elektronike.

” Kjo qelizë organizoi transportin (e drogës) nga Ekuadori në Evropë , menaxhoi fluksin e parave përmes kompanive dhe drejtuesve të ndryshëm dhe mbajti kontakte me furnitorët. Celula kriminale që operonin në Gjermani dhe Spanjë, të pajisura me kompani tregtare dhe transporti dhe shoferë, drejtuan pjesën logjistike të operacionit në Evropë dhe shpërndarjen e mëtejshme të drogës brenda BE-së”, thuhet në deklaratë.

Europol deklaroi se një rrjet kriminal nga Ekuadori po transportonte sasi të mëdha kokaine nga Ekuadori në portet e Belgjikës, Gjermanisë, Holandës dhe Spanjës.

“Që nga fillimi i hetimit në vitin 2024, autoritetet kombëtare kanë sekuestruar 73 ton kokainë në Ekuador dhe BE dhe kanë arrestuar 14 individë në Gjermani dhe Spanjë për përfshirjen e tyre të dyshuar në sipërmarrjen kriminale ”, thuhet në deklaratë.

Siç u njoftua, që nga mesi i vitit 2023, Europol ka lehtësuar shkëmbimin e informacionit dhe ka ofruar mbështetje të vazhdueshme analitike për hetimin ndërkombëtar, një pjesë e të cilit u drejtua nga puna e grupit të punës të Europolit.

Europol kontribuoi në koordinimin e përgjithshëm të rasteve midis agjencive të ndryshme dhe, në ditën e operacionit, dërgoi dy ekspertë në Ekuador për të ofruar mbështetje analitike dhe të specializuar.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Deklaratat antisemite të artistit, Gjykata holandeze i hap rrugën koncerteve të Kanye West

Reperi amerikan Kanye West do të lejohet të mbajë dy koncerte në Holandë, pasi një gjykatë në Amsterdam vendosi se performancat e planifikuara mund të...
09:24 | 04/06/2026

SpaceX drejt ofertës publike fillestare më të madhe në histori, prej 75 miliardë dollarësh

SpaceX, kompania e teknologjisë hapësinore dhe komunikimeve satelitore e drejtuar nga Elon Musk, po planifikon të mbledhë rreth 75 miliardë dollarë përmes një oferte publike...
09:11 | 04/06/2026

Dhoma e Përfaqësuesve miraton masën për t’i dhënë fund luftës në Iran

Dhoma e Përfaqësuesve në Shtetet e Bashkuara ka miratuar rezolutën për kompetencat e luftës që synon të frenojë fushatën ushtarake të presidentit amerikan, Donald Trump,...
08:43 | 04/06/2026