Eurostat: Pronat dhe qiratë në Europë u rritën me 0.8%

Çmimi i apartamenteve në Europë bie me -1% krahasuar me vitin e kaluar, ndërsa qiratë shtrenjtohen me 3%.

Të dhënat dëshmohen nga Eurostat, ku për tre mujorin e tretë të vitit të kaluar, çmimet e shitjeve dhe qirave janë rritur me 0.8% mesatarisht.

Çmimet e shtëpive dhe qiratë filluan të rriteshin në 2010 bashkërisht deri në çerekun e parë të 2011, ku teksa çmimi për metër katror nisi të zbriste, qiratë vijuan duke u rritur në mënyrë konstante.

E teksa vlera e qirave në 27 vende të Bashkimit Europian vijoi një ecuri të qëndrueshme rritjeje, çmimi i apartamenteve në 2017 u rrit drastikisht. Që nga viti 2010 e deri më sot, çmimet e shtëpive u rritën me 48%, ndërsa qiratë me 22%.

Në këtë periudhë, vende si Estonia, Hungaria dhe Lituania reflektuan një trefishim të çmimeve për metër katror.

Ndërkohë, Italia, Greqia dhe Qipro ishin të vetmet shtete të BE-së ku çmimet e apartamenteve u ulën.

Sa i takon Shqipërisë, çmimet e pronave të patundshme janë rritur më mënyrë dramatike duke filluar nga viti 2018. Para kësaj, çmimet kanë qenë në përgjithësi stabël, duke filluar nga viti 2013, kur Indeksi Fischer i Bankës së Shqipërisë filloi t’i analizojë. Nga viti 2013 e deri më sot, të dhënat tregojnë se çmimi i 1 metri katror në Tiranë e bregdet është dyfishuar.

LEXONI GJITHASHTU:

• Korçë| Rritja e çmimit të materialeve të ndërtimit rrit koston e apartamenteve
• Rishikohet taksa e shitjes së pronës, ndryshojnë edhe çmimet referencë