Komisioni Evropian tkurri parashikimet për rritjen ekonomike të vitit të ardhshëm, duke deklaruar se 19 vendet që përdorin monedhën e përbashkët do të hyjnë në recesion gjatë dimrit, pasi inflacioni i lartë do të zgjasë më shumë nga sa pritej dhe kostot e karburanteve dhe ngrohjes do të mbeten të larta.
“Rreziku për rënie të mëtejshme ekonomike për shkak të luftës së Rusisë është ende real. Kërcënimi më i madh vjen nga zhvillimet në tregun e gazit dhe rreziku i tkurrjes së rezervave, jo këtë dimër por atë pasardhës”, tha Paolo Gentiloni, komisioner i BE për Ekonominë.
Vendi me performancën më të dobët pritet të jetë Gjermania, ekonomia më e madhe e Evropës dhe një nga më të varurat nga gazi natyror rus përpara luftës në Ukrainë.
Kjo, pasi çmimet e gazit dhe elektricitetit janë rritur teksa Rusia ka reduktuar furnizimet drejt Evropës.