Eurozona, norma vjetore e inflacionit në gusht ishte 5.2 për qind 

Sipas rezultateve përfundimtare, norma vjetore e inflacionit në Eurozonë në gusht ishte 5.2 për qind, njoftoi Eurostat.

Ky rezultat është më i ulët se vlerësimi paraprak prej 5.3 për qind dhe inflacioni në eurozonë është tani më i ulëti që nga janari 2022.

Në gusht 2022, norma e inflacionit në Eurozonë ishte 9.1 për qind. Në bazë mujore, inflacioni u rrit me 0.5 për qind në muajin gusht krahasuar me korrikun.

Norma bazë e inflacionit në Eurozonë në gusht ishte 5.3 për qind, në përputhje me vlerësimin paraprak.

Norma vjetore e inflacionit në BE ra në 5.9 për qind në gusht nga 6.1 për qind në korrik dhe në gusht të vitit të kaluar ishte 10.1 për qind.

Norma më e ulët e inflacionit në gusht është shënuar në Danimarkë – 2,3 për qind, Spanjë dhe Belgjikë – 2,4 për qind, dhe më e larta në Hungari – 14,2 për qind, Republika Çeke – 10,1 për qind dhe Sllovaki – 9,6 për qind.