Falimenti i bankës në SHBA, Civici: Nuk ka vend për shqetësim, situata nën kontroll

Dhënësi më i madh i kredive për kompanitë e mëdha të teknologjisë së lartë në SHBA ka falimentuar.

Eksperti Ardian Civici tha në një intervistë për Euronews Albania se situata është nën kontroll.

“Qeveria amerikane dhe banka qendrore do të marrin përsipër që të paguajnë të gjithës depozitat që kanë qenë në këtë bankë dhe në një bankë tjetër që falimentoi 1 ose 2 ditë më parë, por pa kompesuar investitorët e kësaj banke,” – u shpreh Civici.

Bëhet fjalë për rënien e Bankës Silikon Valley me seli në Kaliforni, e cila ka shkaktuar shqetësime të forta në vend.

Agjencia qeveritare amerikane për sigurimin e depozitave vendosi mbylljen e bankës dhe marrjen nën administrim të të gjitha aseteve të saj. Vendimi u mor pasi banka nxorri në shitje mesjavën e kaluar, aksione me çmime shumë të ulëta.