“Familja më e mirë në fshat”, flasin të afërm dhe banorë për tragjedinë në Klos

Të enjten familja e dy viktimave, Ilir dhe Kenado Shira në Fullqet të Klosit, ka hapur dyert e mortit.

Nuk janë të paktë miqtë, familjarët dhe banorë të zonës që shkojnë në këtë familje për ngushëllim.

“Familjen Shira e kam mik. Gruan e kam marrë nga ky fis. Nuk dimë asgjë për këtë ngjarje”, u shpreh një banor i fshatit.

“Familja më e mirë në fshat. Nuk e dimë që ka pasur konflikt. Nuk dimë nëse ka pasur lidhje mes dy rinjve”, tha një tjetër e moshuar.

Ndërsa dy miq të tjerë të familjes u shprehën se lajmin e kanë dëgjuar në televizor dhe cilësuan ngjarjen një tragjedi.

Si ndodhi ngjarja me 3 të vdekur në Klos:

Pak minuta para ngjarjes së rëndë, autori Fiqiri Mjeshtri së bashku me dy vëllezërit e tij u takuan përpara një lokali me Ilir Shirën, Kenado Shirën, Danjel Hasulën dhe Eglantin Hasulën.

Ngacmimi në Instagram i vajzës së Fiqiri Mjeshtrit ka qenë shkaku i ngjarjes së rëndë.

Të 7 personat debatuan me njëri-tjetrin për pak minuta në lokal dhe më pas autori nxori armën dhe qëlloi në drejtim të Ilir Shirës, Kenado Shirës, Danjel Hasulës dhe Eglantin Hasulës.

Nga breshëria e plumbave mbeti i vrarë Ilir dhe Kenado Shira, ndërsa të plagosur Danjel dhe Eglantin Hasula.

Autori u largua nga vendi i ngjarjes bashkë me dy vëllezërit e tij dhe më pas u gjet i vetëvrarë në banesën e tij, në fshatin Dars.

Dy vëllezërit e Mjeshtrit u arrestuan nga policia dhe më pas u lanë të lirë.

LEXONI GJITHASHTU:

• Ekzekutimi i babë e bir në Klos, familja Shira hap dyert e mortit
• I ngacmuan vajzën në Instagram, si ndodhi ngjarja me 3 të vdekur në Klos
• Vrasja në Klos, PD: Policia në dijeni të konfliktit, nuk mori asnjë masë