Fatkeqësia e rradhës për banorët e Gazës, rrebeshet e shiut përmbysin tendat e tyre

Banorët e Gazës të mbyllur në tenda për shkak të sulmeve izraelite po përballen tani me një fatkeqësi të re, kjo pasi rrebeshet e papritura përkeqësuan gjendjen e tyre.

Në rajone të ndryshme të Rripit të Gazës, ku Izraeli po kryen sulme prej 353 ditësh, ardhja e dimrit ka bërë që tendat dhe sendet e palestinezëve të përmbyten.

Çadrat e improvizuara ku ata jetojnë prej afro një viti janë dëmtuar dhe nuk janë më të përdorshme.

Qeveria në Gaza e theksoi këtë çështje në një deklaratë më 14 shtator, duke paralajmëruar se me afrimin e dimrit, 2 milionë palestinezë të zhvendosur përballen me një fatkeqësi humanitare.

Deklarata vuri në dukje se 74% e tendave ku po qëndrojnë të zhvendosurit janë të papërdorshme dhe 100,000 nga 135,000 tendat duhet të ndërrohen urgjentisht për shkak të konsumimit.

Edhe shirat e shkurtër në shumë zona të Gazës ishin të mjaftueshëm për të zhytur tendat dhe përmbajtjen e tyre, duke përkeqësuar situatën tashmë të tmerrshme të palestinezëve.

Zonat jashtë çadrave janë kthyer në këneta me baltë.

Të mbetur pa opsione, palestinezët i shprehën botës dëshpërimin e tyre, duke thënë se streha e tyre e vetme tani është “qielli”.

LEXONI GJITHASHTU:

• Presidenti i Kolumbisë dënon heshtjen e mediave për gjenocidin izraelit në Gaza
• Sulmi izraelit vret katër fëmijë në Gaza, 10 të vdekur në total