FBI publikon foton e të dyshuari për vrasjen e Kirk, kërkohet ndihma e publikut

FBI-ja ka kërkuar ndihmën e publikut për të identifikuar një person me interes në lidhje me të shtënat me armë zjarri ndaj aktivistit të njohur konservator, Charlie Kirk.

Zyra e FBI-së në Salt Lake City publikoi sot imazhe të këtij personi në platformën X (ish-Twitter) dhe ka vënë në dispozicion numrin 1-800-CALL-FBI për këdo që mund të ketë informacione.

Sipas një burimi të afërt me hetimin, pranë pushkës që dyshohet se u përdor në sulm, është gjetur një kaçavidë.

Hetuesit besojnë se arma mund të jetë çmontuar dhe rimontuar përpara përdorimit, për të ndihmuar në fshehjen e saj — ndoshta në një çantë apo edhe në rroba.

Gjithashtu, CNN raportoi më herët se disa fraza të shkruara me shkronja të mëdha, të lidhura me çështje kulturore, ishin gjetur të gdhendura në armën dhe municionet e zbuluara në pyllin pranë vendit të ngjarjes.

Presidenti Donald Trump, duke folur nga Pentagoni pas një ceremonie përkujtimore për 11 Shtatorin, deklaroi se nuk kishte më shumë informacion rreth hetimit përtej asaj që është bërë tashmë publike.

“Pak a shumë ajo që po shihni në lajme është ajo që është në të vërtetë. Ata kanë një gjueti virtuale atje, kështu që do të shohim se çfarë do të ndodhë. Por shpresojmë ta kapim atë”, tha Trump.

LEXONI GJITHASHTU:

• Kush ishte Charlie Kirk, aleati i Trump që u vra gjatë një aktiviteti live në Utah
• Kërkimi për vrasësin e Charlie Kirk vazhdon – Çfarë dimë deri më tani për atentatin?
• FBI arreston një person të dyshuar për vrasjen e Charlie Kirk