Fermerët në Spanjë, Moldavi e Poloni vazhdojnë protestat kundër humbjeve

Janë bërë 7 ditë që kur fermerët spanjollë vendosën të vazhdonin protestat me traktorë dhe bllokada rrugësh kundër politikave të BE-së.

Ata kërkojnë gjithashtu mbështetje përballë efekteve të thatësirës dhe rritjes së kostove. Protestat kanë përfshirë rajone të shumta në Spanjë, të thirrura nga organizatat agrare.

“Në dy vitet e fundit kemi pasur vetëm humbje, si për shembull 40% me drithërat”, thotë një fermer.

“Edhe vjet patëm thatësirë. Ishte një katastrofë. Drithërat duhet të kishin prodhuar 4 tonë, por prodhuan vetëm 1”, shprehet një tjetër.

Në Moldavi, fermerët kanë bllokuar rrugën drejt Rumanisë. Sindikata e tyre po proteston kundër donacioneve të karburanteve nga Rumania dhe subvencioneve të pamjaftueshme të qeverisë. Ata deklarojnë se u duhet ndihmë për të lehtësuar humbjet e dy viteve të fundit. Ajo që nevojitet është injektimi i parave nga qeveria, ndryshe nuk do të ketë korrje.