Fermerët në vështirësi, Agim Rrapaj: Luhatja e çmimeve solli shumë dëme, qeveria të ndërhyjë në zinxhirin tregtues

Kreu i Këshillit Agrobiznesit, Agim Rrapaj në një lidhje ‘live’ me Ilva Now vuri në dukje shqetësimet e fermerëve dhe blegtorëve shqiptarë për shkak të izolimit nga COVID-19.

Teksa theksoi fakti se edhe në kushte normale fermerët hasin shumë proleme në punën e tyre, z. Rrapaj theksoi se aktualisht një nga problemet që kanë fermerët është vështirësia e lëvizjes.

“Mungojnë mjete me qira që ata i përdorin për të shitur produktet, është vështirësi reale. Njëkohësisht luhatja e çmimeve ka sjellë shumë dëme, sidomos në 2 javëshin e parë e pësoi luleshtydhja dhe kastraveci, që u goditën nga ulja e shpeshtë e çmimit. Këtë dyjavësh ka një relaksim, sepse ishin festat, çka solli rritje të kërkesës në tregun vendas”, – tha ai.

Z.Rrapaj u shpreh se kërkojnë nga qeveria që të ndërhyjë në zinxhirin që nis nga fermeri e përfundon tek blerësi, duke vënë në funksion institucione të tjera si depot frigoriferike, në mënyrë që produktet të shiten në një moment të dytë dhe të mos ndikohen nga luhatja e çmimit.