“Ferr” në Greqi| Përhapen zjarret, ushtria zbret në terren

19 Korrik 2023 | 15:47

Për të tretën ditë rresht, autoritetet në Greqi vijojnë betejën me zjarret. Flakët janë përhapur në perëndim të rajonit të Atikës dhe në Lutraki, ndërsa po përhapen me shpejtësi edhe në Rodos.

Një zjarr i ri ra në zonën pyjore në Pilos, në rajonin e Jameas, pak përpara orës 14 të së mërkurës. Për shuarjen e tij janë angazhuar 12 zjarrfikës dhe janë mobilizuar 6 automjete, ndërsa është kërkuar ndërhyrja e një helikopteri.

Autoritetet kanë paralajmëruar se si pasojë e zgjerimit të vatrave të zjarrit dhe operacioneve për vënien e tyre nën kontroll do të ketë bllokim të rrugëve dhe autostradave.

Në këtë kontekst, i pari që është prekur nga kjo masë është rajoni i Atikës, ku trafiku është ndalur në shumë akse rrugore.

Kryeministri Kiriakos Mitsotakis ka zhvilluar një vizitë në Ministrinë e Mbrojtjes Civile, ku është informuar me masat e marra për mbrojtjen e jetës së qytetarëve.

Ndërkohë, policia u ka bërë thirrje banorëve që të shmangin udhëtimet në zonat pyjore dhe ato agrikulturore, për shkak të rrezikut të rënies së zjarreve.

Sipas ekspertëve, vapa e madhe ka gjasa të shkaktojë krijimin e vatrave të reja, të cilat nga ana e tyre do të çojnë në një kolaps ambiental.

Për vënien nën kontroll të flakëve, në ndihma të zjarrfikësve janë angazhuar edhe forcat e armatosura, që janë dërguar në lokalitetet Kuvara, në jug të Athinës, dhe Lutraki, 4 kilometra në veri-lindje të Korinthit.

Për të ndjekur kanalin e youtube të Euronews Albania KLIKO KËTU! 

 

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Meloni: Udhëheqësit evropianë duhet të forcojnë komponentin evropian të NATO-s

Udhëheqësit evropianë duhet të forcojnë komponentin evropian të NATO-s, tha sot kryeministrja italiane Giorgia Meloni pas bisedës me kolegët e saj francezë, gjermanë, britanikë dhe...
22:38 | 24/06/2026

Pse vala vdekjeprurëse e të nxehtit në Evropë nuk është për shkak të një fenomeni natyror të motit

Evropianët po vuajnë nga vala e fundit e të nxehtit, për të cilën ekspertët thonë se po “përforcohet nga ngrohja afatgjatë” – jo nga El...
18:25 | 24/06/2026

BE-ja shkurton afatin e pranimit të Ukrainës për shkak të rezistencës hungareze

E përballur me rezistencë të përtërirë nga Hungaria, BE-ja është detyruar të ndryshojë planet dhe tani synon të zhbllokojë dy, në vend të pesë, grupeve...
18:18 | 24/06/2026