Kryetarja e Kuvendit, znj. Elisa Spiropali ka uruar besimtarët e krishterë në Festën e Ujit të Bekuar. Ndër të tjera ajo i ka uruar shërim të shpejtë Kryepiskopit të Shqipërisë, Fortlumturisë së Tij, Anastas Janullatos.

Spiropali ka vënë në dukje ringritjen e Kishës Orthodhokse që ka sjellë Kryepeshkopi Janullatos i cili po kalon një fazë të vështirë të jetës.

“Sot, në Ditën e Epifanisë, Festës së Ujit të Bekuar, bashkohem me urimin e besimtarëve të krishterë për shpresën te fuqia e urtësisë, mirëkuptimi, bekimi dhe lulëzimi i natyrës dhe shpirtit njerëzor.

I uroj shërim të shpejtë dhe kthim në shërbim ndaj besimtarëve Fortlumturisë së Tij, Anastas Janullatos, Kryepiskopit të Shqipërisë, i cili në rrethana jashtëzakonisht të vështira, ringriti dhe fuqizoi Kishën Orthodhokse Autoqefale të Shqipërisë, dhe është i njohur botërisht për dijet, përkushtimin dhe kontributin në bashkëjetesën paqësore të popujve dhe të komuniteteve fetare”, tha Elisa Spiropali.

LEXONI GJITHASHTU:

• Përkeqësohet shëndeti i Anastas Janullatos, kryepeshkopi në gjendje kritike
• Anastas Janullatos dërgohet për kurim në Athinë, si shfaqet gjendja shëndetësore