“Stand with Ukraine Festival” ishte aktiviteti, që u zhvillua të enjten në Muzeun Arkeologjik të Durrësit.
Rreth 70 fëmijë u solidarizuan me fëmijët ukrainas, të cilët prej gati 5 muajsh po përballen me agresionin rus.
Një nga organizatoret e aktivitetit, Rolanda Meçe tregoi për “Euronews Albania” se gjithçka ishte përgatitur nga duart e fëmijëve të vegjël.
“U deshën plot 2 javë. Fëmijët kanë përgatitur pikturat, veshjet, të gjithë këto rrathët i kanë bërë vetë. Ky aktivitet u zhvillua që ata të solidarizohen me bashkëmoshatarët e tyre,” – tha ajo.
Në përfundim të shfaqjes artistike fëmijët përcollën mesazhe paqeje.
“Duam të themi që jemi pro paqes, kundër luftës dhe duam që fëmijët e Ukrainës të rriten në paqe,” – u shpreh një fëmijë.
“Unë dua të kërkoj që e gjithë bota ta ndihmojë Ukrainën,” – tha një tjetër.
Në aktivitet ishte e ftuar edhe ambasada e Ukrainës.
LEXONI GJITHASHTU:
