Autoritetet në Filipine kanë urdhëruar evakuime, grumbullimin e ushqimeve dhe vendosjen e ushtrisë në gatishmëri për tajfunin Yinsing, pasi stuhia lëviz drejt qyteteve verilindore që mund të kërcënojë gjatë javës.

Qendra e tajfunit, me erëra 120 kilometra në orë, u vlerësua në 590 km nga qyteti lindor Baler në provincën Aurora, njoftoi agjencia shtetërore meteorologjike, raporton Reuters.

Autoritetet lokale i bënë thirrje popullatës së vendbanimeve të largëta që të evakuohen herët, pasi ekziston mundësia që shpëtimtarët të mos mund të arrijnë tek ata gjatë stuhisë, tha agjencia.

“Departamente të ndryshme qeveritare kanë bashkuar përpjekjet për të lëshuar paralajmërime të hershme, për të planifikuar dhe pozicionuar mallrat dhe shërbimet e nevojshme”, tha ministri i Mbrojtjes Gilberto Teodoro.

Ushqimi po grumbullohet, ushtarët janë në gatishmëri për të ndihmuar përpjekjet e shpëtimit dhe digat po lëshojnë ujin në kohën e duhur për të parandaluar përmbytjet, shtuan zyrtarët.

Stuhia mund të zbresë në tokë midis natës së së enjtes dhe mëngjesit të së premtes pranë provincës veriore të Cagayan, duke sjellë shi të dendur në qytetet në rrugën e saj, tha një zyrtar i agjencisë së motit.

LEXONI GJITHASHTU:

• Uragani Oscar vret 6 persona në Kubë, në Havanë vijojnë protestat
• Tajfuni Yagi dëmtoi rrethimin e tyre, fermeri vret 100 krokodilët e rrezikuar