Kreu i Partisë së Lirisë, Ilir Meta ka përgëzuar Argjentinën për fitoren e kupës së botës në futboll.
Ai e ka cilësuar ndeshjen përballë kampionëve në fuqi, Francës, një spektakël emocionues dhe të jashtëzakonshëm.
“Një finale e paharrueshme, që na dhuroi gjithçka të bukur dhe magjike që ka futbolli! Urime Leo Messit dhe Kampionëve të Botës për kurorëzimin e merituar pas dy dekadash plot dedikim, sakrifica dhe spektakli emocionues të jashtëzakonshëm,” – shkroi Meta.
Argjentina ka triumfuar në Botërorin e Katarit ndaj Francës në penallti. Albiçelestët sigurojnë kështu trofeun e tretë pas atyre të 1978 dhe 1986.
Argjentinasit e mbyllën pjesën e parë në avantazhin 2-0, më pas Franca barazoi brenda 90 minutave. Në shtesë Messi shënoi sërish, po barazoi Mbappe në 3-3.
Në penallti argjentinasit u treguan më të saktë ku fituan 4-2.
LEXONI GJITHASHTU: