Një kupë “të çmendur” bote. Kështu e ka cilësuar kryeministri Edi Rama fitoren e Argjentinës.

Sipas tij, Messi mundi ta fitonte këtë kupë vetëm falë Maradonës.

“Këtë kupë të “çmendur” bote mbreti i futbollit në tokë mundi ta fitonte vetëm me ndihmën e mbretit lart në qiell,” – shkroi Rama.

Argjentina ka triumfuar në Botërorin e Katarit ndaj Francës në penallti. Albiçelestët sigurojnë kështu trofeun e tretë pas atyre të 1978 dhe 1986.

Argjentinasit e mbyllën pjesën e parë në avantazhin 2-0, më pas Franca barazoi brenda 90 minutave. Në shtesë Messi shënoi sërish, po barazoi Mbappe në 3-3.

Në penallti argjentinasit u treguan më të saktë ku fituan 4-2.

LEXONI GJITHASHTU:

• Argjentina kampione bote në futboll, detajet nga ndeshja