Financial Times: Takim i tensionuar në Uashington, Trump thirrje Zelenskyt të…

Gjatë një takimi në Uashington të premten, Presidenti i SHBA-së Donald Trump i bëri thirrje Presidentit ukrainas Volodymyr Zelensky të pranojë kushtet e Rusisë për t’i dhënë fund luftës, raporton sot Financial Times, duke cituar burime të informuara mirë.

Sipas një zyrtari evropian të informuar mirë, Trump i tha Zelensky-t se duhej të bënte një marrëveshje të tillë “ose do të përballej me shkatërrimin” sepse ai tashmë po e humbiste konfliktin e armatosur.

Burime të mirinformuara konfirmuan se situata gjatë bisedës midis Trump dhe Zelensky ishte jashtëzakonisht e tensionuar dhe se në një moment gjatë takimit, presidenti amerikan hodhi nga tavolina hartat e vijave të frontit në Ukrainë.

Sipas burimeve, Trump i “i dha leksione” Zelensky-t për pjesën më të madhe të takimit, duke përsëritur pikëpamjet e shprehura nga Presidenti rus Vladimir Putin gjatë telefonatës së tyre të fundit.

Burimet i thanë Financial Times se Zelensky ishte “jashtëzakonisht mosbesues” pas takimit.

Trump dhe Zelensky u takuan të premten, më 17 tetor, në Uashington, dhe gjatë takimit nuk u arrit asnjë marrëveshje për Ukrainën që të merrte raketa Tomahawk me rreze të gjatë veprimi, të cilat Zelensky i kërkoi Shteteve të Bashkuara të Amerikës.

LEXONI GJITHASHTU:

• Trump pas takimit me Zelensky-n: Ndarja e Donbasit, zgjidhje për fundin e luftës
• Qytetarët kundër politikave të Trump, tubime masive në të gjithë SHBA-në