Trump pas takimit me Zelensky-n: Ndarja e Donbasit, zgjidhje për fundin e luftës

Presidenti Donald Trump ka sugjeruar se mënyra më e mirë për t’i dhënë fund luftës mes Ukrainës dhe Rusisë do të ishte ndarja e rajonit të Donbasit, në një ndarje që do ta linte pjesën më të madhe të saj nën kontrollin rus.

Sipas raportimeve, thuhet se ai e ka shtyrë Volodymyr Zelensky-n, gjatë një takimi në Shtëpinë e Bardhë, që të heqë dorë nga pjesa më e madhe e territorit në Donbas.

“Le të pritet ashtu siç është”, u tha Trump gazetarëve në bordin e Air Force One të dielën. “Është prerë tani. Ata mund të negociojnë diçka më vonë. Por tani për tani, të dyja palët në konflikt duhet të ndalen në vijën e betejës, të shkojnë në shtëpi, të ndalojnë së luftuari, të ndalojnë së vrari njerëz”, tha ai.

Komentet e Trump erdhën pas një takimi me presidentin ukrainas në Shtëpinë e Bardhë të premten dhe do të shihen si një kthesë e papritur nga qëndrimi i tij në shtator, kur tha se mendonte që Ukraina mund të merrte përsëri të gjithë territorin e saj dhe madje të “shkonte më tej” në tokat ruse.

Pasi takoi Zelensky-n në Shtëpinë e Bardhë, Trump tha në mediat sociale se bisedimet ishin “shumë interesante dhe të përzemërta, por unë i thashë atij, siç ia sugjerova fuqimisht edhe Presidentit Putin, se është koha për të ndaluar vrasjet dhe për të bërë një MARRËVESHJE”.

LEXONI GJITHASHTU:

• Macron: Ekspozitat e vjedhura nga Luvri do të gjenden dhe autorët do të ndëshkohen