Finlanda do të mbyllë të gjithë kufijtë me Rusinë pas rritjes së emigrantëve

Finlanda do të mbyllë të gjithë kufirin e saj lindor me Rusinë, për shkak të shqetësimeve për migrimin.

Kryeministri Petri Orpo e bëri njoftimin gjatë një konference për shtyp të martën në Helsinki.

Finlanda kishte vetëm një pikë kontrolli kufitare të hapur, të vendosur në Arktik, pasi qeveria mbylli shtatë të tjera për shkak të rritjes së ardhjeve të emigrantëve nga Lindja e Mesme dhe Afrika.

Finlanda akuzon Moskën se i ka çuar emigrantët drejt kufirit finlandez, ndërsa ministri i mbrojtjes e quajti atë “luftë hibride” nga ana e Kremlinit.

Stacioni i fundit kufitar i hapur në kufirin lindor, Raja-Jooseppi, do të mbyllet të enjten më 30 nëntor deri më 13 dhjetor.

LEXONI GJITHASHTU:

• Kishin ardhur nga Gostivari për festimet, përfshihet në aksident autobusi me nxënës
• Katari synon zgjatjen e armëpushimit, por duhet që Hamasi të lirojë pengjet