Finlandë: Dy aeroplanë rusë shkelën hapësirën ajrore në jug të vendit

Ministria finlandeze e Mbrojtjes njoftoi sot se dyshon se dy aeroplanë rusë kanë shkelur hapësirën ajrore finlandeze.

Deklarata shtoi se incidenti ndodhi në brigjet e Porvoo në Finlandën jugore, raporton Reuters.

“Ne e marrim seriozisht dyshimin për shkelje të hapësirës territoriale dhe hetimi është duke vazhduar”, tha Ministri i Mbrojtjes Antti Hakanen.

Kreu i strategjisë së forcave mbrojtëse finlandeze, gjeneralmajor Sami Nurmi, tha se ushtria e vendit po monitoron “me shumë kujdes” manovrat e Moskës përgjatë kufirit të përbashkët dhe se puna e tyre, si pjesë e NATO-s, është të “përgatiten për më të keqen”.

Imazhet satelitore, të botuara në New York Times, tregojnë zgjerimin e infrastrukturës ushtarake ruse pranë kufirit finlandez, duke përfshirë rreshta tendash, automjete ushtarake, rinovime të strehimoreve të avionëve luftarakë dhe punime ndërtimi në një platformë helikopterësh të papërdorur më parë.

LEXONI GJITHASHTU:

• Akte sabotimi në Gjermani e Finlandë, u priten kabllot për transmetimin e të dhënave
• Aktivistët e mjedisit hedhin bojë të kuqe në ndërtesën e Parlamentit finlandez