Fitoi në Pukë, reagon Rrok Dodaj: Triumfi i lirisë, qytetarët ndëshkuan arrogancën

Rrok Dodaj, kandidati i koalicionit “Bashkë fitojmë”, arriti të fitonte në Bashkinë e Pukës me 3480 vota ndërkohë që kandidati i Partisë Socialiste, Gjon Gjonaj mori 2507 vota.

Ai ka reaguar me anë të një statusi në Facebook ku e ka quajtur këtë fitore si triumf të lirisë

“Të dashur qytetarë!

Në këtë ditë të shenjtë të triumfit të lirisë, të vlerave qytetare dhe dinjitetit njerëzor, më lejoni të shpreh me përuëlsi falënderimet e mia më të përzemërta për çdo votues, i cili me vullnetin e plotë, shprehu besimin e palëkundur, se ne mundemi t’ia dalim për t‘i rikthyer Pukës shpresën dhe ardhmërinë e saj.

Nga sot, Puka dhe njësitë e saj, i dhanë vetes dimensionin kuptimplotë të lirisë, pasi ndëshkuan me votë arrogancën si model drejtues! Sot ka fituar qytetaria, ka fituar dimensioni i njeriut të thjeshtë! Zotohem se do jem drejtuesi i të gjithë pukjanëve, pa dallime politike, fetare dhe krahinore!

Fitorja është e juaja! E gëzofshim bashkërisht!”-shkruan Rrok Dodaj.

LEXONI GJITHASHTU:

• Koalicioni “Bashkë fitojmë”, merr bashkinë e Pukës
• Ngushtohet diferenca Goro-Beleri në Himarë