Fjalimi i Ramës në KiE, Meta: Do të shmangë vëmendjen nga skandalet e qeverisë

Kryetari i Partisë së Lirisë Ilir Meta e cilësoi “show” fjalimin e kryeministrit Edi Rama në KiE dhe një përpjekje për të shmangur vëmendjen nga skandalet e qeverisë.

Në një bashkëbisedim me gazetarët, Meta tha se Partia e Lirisë mbetet e  angazhuar në denoncimin e skandaleve dhe korrupsionit dhe përpjekjeve për t’i dhënë fund qeverisë Rama.

“Bojkoti i PPE në Strasburg ndaj Ramës ishte mesazh i  qartë se bllofet dhe shfaqet teatrore që organizon duke cenuar edhe seriozitetin e institucioneve të rëndësishme europiane nuk mbulojnë dot kursin e tij aventuresk që nuk është tjetër veç përpjekje për të shmangur vëmendjen nga skandalet ku është përfshirë e ku është zhytur qeveria,” – u shpreh ish-presidenti.

LEXONI GJITHASHTU:

• VIDEO| ‘Duhet të më kishe gjetur vetë jo me spiunë’, Rama surprizon Kurtin në Berlin
• Meta dhe Berisha s’kanë shanse të mundin Veliajn, thotë ish-deputeti
• Sa e ndihmon Meta opozitën? Kulluri: Partia e Lirisë është parti personale