‘Do flasim me prova’, çfarë tha ministri Çuçi për Ervis Martinajn

Ministri i Brendshëm, Bledi Çuçi, thotë se policia do të flasë për Ervis Martinajn kur të ketë prova.

I pyetur nga mediat lidhur me çështjen që ka qenë kryelajm i këtyre muajve në të gjitha mediat, Çuçi u shpreh se policia e shtetit nuk mund të flasë pa pasur prova.

“Ne flasim kur kemi prova. Policia e Shtetit nuk mund të flasë pa pasur prova”, u shpreh Çuçi.

Nga ana e tij, drejtori i përgjithshëm i Policisë së Shtetit, Muhamet Rrumbullaku deklaroi se për zhdukjen e të shumëkërkuarit Ervis Martinaj, policia është duke punuar dhe se do të flasë me fakte dhe prova.

“Strukturat kundër kriminalitetit janë të angazhuara maksimalisht. Do të flasim me fakte dhe prova”, u shpreh kreu i Policisë së Shtetit.

Ervis Martinaj, i njohur si ‘mbreti’ i lojërave të fatit, është zhdukur prej 40 ditësh.

Zhdukja e tij ka vënë në lëvizje jo vetëm institucionet e drejtësisë, por edhe politikën.

Kryeministri Edi Rama ka deklaruar se shumë shpejt do kemi një përgjigje për fatin e tij, ndërsa kreu i Partisë Demokratike, Sali Berisha tha para gazetarëve se Rama e di ku ndodhet ‘mbreti’ i lojërave të fatit, dhe akuzoi Prokurorinë se nuk po vepron.

LEXONI GJITHASHTU:

• Jeta e panjohur e Vis Martinajt, si u bë 40-vjeçari nga Burreli ‘mbret i lotove’
• Agjenti që ndihmoi Ervis Martinajn kërkon lirinë, sot seanca në Apelin e GJKKO-së