Banorët përgjatë bregut perëndimor të Floridës janë urdhëruar që të evakuohen para arritjes së uraganit Idalia, pasi meteorologët thanë se stuhia po forcohej dhe mund të bëhet “shumë e rrezikshme” kur të arrijë në Florida.

Idalia, sipas Qendrës kombëtare amerikane për Uragane (NHC) u bë uragan i kategorisë së parë gjatë natës, dhe të martën është nisu drejt jugperëndimit të Floridës.

Uragani po kalon nëpër ujërat e ngrohtë të Gjirit të Meksikës që arrijnë në temperatura deri në 31 gradë Celsius dhe stuhia pritet të “bëhet një uragan jashtëzakonisht i rrezikshëm kur të arrijë në Florida të mërkurën”, tha NHC.

Uragan të rrezikshëm konsiderohen ata që janë në kategorinë tre apo më shumë, por sipas NHC-së, stuhia mund të shkaktojë dëme “shkatërruese” dhe “katastrofike”.

Guvernatori i Floridës, Ron DeSantis, u bëri thirrje banorëve që gjenden në zonat përgjatë Gjirit që të evakuohen menjëherë.

LEXONI GJITHASHTU:

• Uragani Hilary drejt Kalifornisë Jugore, shpallet gjendja e jashtëzakonshme
• Uragani Hilary po shkon drejt Meksikës dhe Kalifornisë, mund të shkaktojë përmbytje