“Objekti” fluturonte mbi Kanada, asgjësohet nga një avion amerikan

Një avion luftarak amerikan ka qëlluar një “objekt të paidentifikuar” që po fluturonte në veri të Kanadasë.

Kryeministri kanadez Justin Trudeau e bëri njoftimin në Twitter pas një bisede telefonike me presidentin Joe Biden pasditen e së shtunës.

“Objekti po fluturonte në një lartësi prej 40 mijë këmbë, kishte hyrë në mënyrë të paligjshme në hapësirën ajrore kanadeze dhe përbënte rrezik për fluturimet e avionëve civilë. Ai u rrëzua rreth 100 milje nga kufiri mes Kanadasë dhe Shteteve të Bashkuara, mbi territor kanadez, në rajonin Jukon”- tha Anita Anand, ministre e Mbrojtjes, Kanada.

Bëhet fjalë për objektin e tretë që rrëzohet pasi një avion luftarak amerikan shkatërroi një balonë-spiune një javë më parë dhe pasi një tjetër u eliminua të premten teksa fluturonte mbi Alaskë.

LEXONI GJITHASHTU:

• Dendias ngushëllon Çavusoglu, ministri grek viziton zonat e prekura nga tërmeti
• Paralajmëron Berisha: Rreth parlamentit do të ketë protesta të fuqishme