FOTO| Kush janë personat e arrestuar për 143 kilogramët e kokainës të sekuestruar në portin e Durrësit

Klajdi Xibraku dhe Erion Peti janë personat personat e arrestuar nga policia lidhur me sasinë prej 143 kilogramë kokainë e sekuestruar ditën e sotme në portin e Durrësit.

200 pakot e kokainës ishin fshehur në një kontenier me banane që vinte nga Ekuadori e porositur nga kompania Massabi Fruits, e cila rezulton në emër të Klajdi Xibrakut dhe Erion Petit.

Ka qenë Xibraku që ka shkuar në port pasi është njoftuar, fillimisht për procedurat e zhdoganimit.

Burime policore bëjnë me dije se itinerari i kontejnerit brenda të cilit u gjet lënda narkotike ka qenë Ekuador-Sicili ( Gioia Tower)- Durrës.

Pronarët e kompanisë kanë qenë në vëzhgim më herët pasi policia ka pasur dyshime për aktivitetin e dyshimtë, por nuk kishin arritur të verifikonin asgjë.

Pak ditë më parë në portin e Durrësit u sekuestrua një sasi prej 49 kg kokainë që rezultoi të ishte në emër të babait të Arbër Çekaj, i dënuar për sasinë më të madhe të kokainës të kapur ndonjëherë në portin e Durrësit, sasia rekord prej 630 kg.