FOTOGALERI| Stuhia e borës godet Amerikën e Veriut

Një stuhi e fortë shiu e shoqëruar me reshje të dendura bore ka sjellë kushte ekstreme të motit në të gjithë SHBA-në dhe disa pjesë të Kanadasë.

Stuhia solli tornado të fuqishme në jug të SHBA-së dhe shtetet e Mississippi dhe Texas ishin ndër më të prekurat.

Në Teksas, disa persona u plagosën dhe ndërtesat u dëmtuan, raporton BBC.

Rreth 9 mijë fluturime u vonuan të hënën dhe të martën dhe kushte të këqija moti priten në pjesën më të madhe të kësaj jave.

Për shkak të motit, rrugët janë mbyllur në disa shtete perëndimore të SHBA-së ku pritet të bjerë deri në 60 centimetra borë.

Stuhia u përhap në Kanada, me borë të dendur dhe erëra të forta që goditën rajonin jugor të Prairie, duke përfshirë provincat e Saskatchewan dhe Manitoba, të martën dhe të mërkurën.