Fotografia simbol i protestave në mbështetje të Navalny-t shitet për 2 milionë rubla

Dimitry Markov, një fotograf i njohur rus, ka bërë përpara disa ditësh një fotografi në një stacion policie. Kjo foto që paraqet një polic të ulur, ku mbrapa tij varet portreti i presidentit rus Vladimir Putin, është bërë më pas një simbol online i protestave në mbështetje të politikanit të burgosur të opozitës ruse, Aleksei Navalny. Fotoja ka arritur të shitet për dy milionë rubla, apo e përkthyer në dollarë përkatësisht $26.800.

Në faqen e tij zytare të facebook fotografi njofton se vepra i është shitur një personi të quajtur Ekaterina për 2.000.000 rubla. Sipas fotografit, paratë do t’iu jepen dy grupeve që përqendrohen tek të drejtat e protestuesve në Rusi – OVD-Inform dhe Apologjia e Protestës.

Ky ankand bamirësie do të zgjasë 24 orë dhe të ardhurat do të transferohen në dy pjesë të barabarta në llogaritë e OVD-Inform dhe Apologia e Protestës.

Markov cilëson se kjo foto, simbol i protestës në rusi, u mor në mënyrë diskrete ndërsa fotografi ishte nën arrest, pasi ishte përfshirë në protestat pro-Navalny-t, dhe u publikua në rrjetet sociale.

Një veprim ky që në ato momente zemëroi dhe ofendoi policët të cilët ishin prezent.