Fotografoi fletën e votimit, arrestohet qytetari në Shkodër

Një vepër penale ka ndodhur në qytetin e Shkodrës, ku një shtetas është konstatuar nga anëtarët e Komisionit që po fotografonte votën e tij. Fotografimi i votës është vepër penale sipas Kodit Zgjedhor dhe për këtë arsye ka ndërhyrë policia. Policia ka konstatuar se shtetasi D. U., 32 vjeç, pasi është regjistruar, ka marrë fletën e votimit dhe ka shkuar tek dhoma e fshehtë.

Shtetasit D. U. i është bllokuar fleta votimit dhe më pas, nga shërbimet e Policisë është bërë shoqërimi i tij në ambientet e Komisariatit, për veprime të mëtejshme hetimore.

Në përfundim të veprimeve, nga specialistët për Hetimin e Krimit në Komisariatin e Policisë Shkodër u bë arrestimi në flagrancë i shtetasit D. U., për veprën penale “Shkelja e fshehtësisë së votës”.