Franca, Gjermania dhe Polonia të rrezikuara nga dezinformatat ruse

Komisioneria e BE-së, Vera Jourova, në një takim të Bruksel tha se Franca, Gjermania dhe Polonia janë bërë objektivat “e preferuar” të sulmeve dezinformuese nga Rusia.

“Ka tre vende të mëdha nën sulm të përhershëm nga Rusia. Dhe ato janë Franca, Gjermania dhe Polonia,” tha komisionerja Jourova. Ajo theksoi se sulmet dezinformuese janë përqendruar në tema specifike; në Francë, ato janë të fokusuara në Lojërat Olimpike të Parisit këtë verë, ndërsa në Gjermani shfrytëzojnë shqetësimet për migracionin dhe sigurinë. Ndërsa në Poloni, një narrativë po shfaqet në internet ku goditen emigrantët si “barrë” për vendin.

Propaganda është përhapur gjithashtu përmes aplikacionit të mesazheve Telegram në vende të tilla si Sllovakia, Bullgaria dhe shtetet baltike, shtoi ajo. Telegrami nuk është ende nën juridiksionin e rregullave më të rrepta të BE-së.

Deklaratat e Jourova vjen një ditë pas studimit të Microsoft mbi dezinformimin. Presidenti i Microsoft, Brad Smith, i cili ishte në Bruksel për të takuar zyrtarë të BE-së, e përsëriti shqetësimin për operacionet ruse të ndikimit, duke theksuar rrezikun e “deepfake-ve” që ndikojnë në zgjedhje.

LEXO GJITHASHTU

• Meta merr masa për të luftuar dezinformimin në zgjedhjet evropiane
• Komisioni për Dezinformimin, socialistët caktojnë Erion Braçen ta drejtojë