Franca përgatitet të njohë Shtetin e Palestinës më 22 shtator

Presidenti francez Emmanuel Macron i ka thënë presidentit palestinez Mahmoud Abbas se Franca synon të njohë zyrtarisht Shtetin e Palestinës më 22 shtator, gjatë një vizite në Nju Jork. Deklarata u publikua në platformën X.

Në bisedën telefonike me Abbasin, Macron ka theksuar urgjencën e situatës në territoret palestineze, përfshirë Gazën, duke nënvizuar se ky vendim është pjesë e një plani të gjerë paqeje.

“Presidentit Abbas ia përsërita kërkesat tona drejtuar Autoritetit Palestinez. Ai, nga ana e tij, shprehu vendosmërinë për të zbatuar reformat e nevojshme për të rinovuar Autoritetin Palestinez dhe për të garantuar stabilitetin e shtetit të ardhshëm të Palestinës,” tha Macron.

Shefi i Elizesë shtoi se Franca do të vijojë të mbështesë institucionet palestineze në këtë proces dhe do të përmbushë angazhimet për sigurinë dhe stabilitetin e rajonit.

LEXONI GJITHASHTU:

• “Do bëhemi Super Sparta”- Komentet e Netanyahut ndezin debat për vizionin e Izraelit
• Netanyahu: Eliminimi i udhëheqësve të Hamasit do të çojë fundin e luftës në Gaza
• Izraeli lëshon urdhra të rinj evakuimi në qytetin e Gazës