Franca thirrje Izraelit të mos nisë operacion tokësor në Libanin jugor

Franca i ka bërë thirrje Izraelit të shmangë dërgimin e trupave në Libanin jugor, duke paralajmëruar për pasoja të rënda humanitare.

Ministri i Jashtëm francez, Jean-Noel Barrot tha se Franca po i kërkonte Izraelit të përmbahej nga operacione të tilla tokësore, të cilat do të kishin pasoja të mëdha humanitare dhe do të përkeqësonin situatën tashmë të rëndë të vendit.

Komentet e tij për agjencinë e lajmeve AFP erdhën pasi Izraeli tha se ushtria e tij synon të marrë kontrollin e një zone në Libanin jugor deri në lumin Litani, rreth 30 km nga kufiri.