Fredi Beleri voton si eurodeputet në Himarë: Zgjedhjet janë festë e demokracisë

Eurodeputeti Fredi Beleri ka ushtruar të drejtën e tij të votës në Himarë. Në qendrën e votimit ku eurodeputeti votoi kishte prani edhe të mediave helene.

Pas votimit, Beleri tha për Euronews Albania se zgjedhjet janë festë e demokracisë, ndaj shpreson që të jenë të tilla edhe për Shqipërinë.

“Në të gjithë botën e përparuar zgjedhjet janë një festë e demokracisë. Shpresojmë të jetë e tillë edhe në vendin tonë.

Shpresojmë të vijojë një proces i qetë dhe të fitojë demokracia, të çlirohet populli shqiptar nga kjo trysni që i ka zënë frymën. Deri më tani në Himarë nuk ka probleme. Fjalën e kanë qytetarët”,-tha Beleri.