Frrok Çupi rendit rastësitë dhe përplasjet e fakteve mes Gjykatës Speciale dhe historisë së Kosovës

Duke diskutuar në Euronews Albania me gazetaren Ilva Tare rreth zhvillimeve të fundit për sa i përket gjyqit të çlirimtarëve të Kosovës, analisti Frrok Çupi renditi disa argumente, të cilat sipas tij “janë përplasje ndaj historisë së Kosovës”.

Fillimisht Çupi kujtoi se Gjykata Speciale e Kosovës në Hagë u ngrit si nismë e ndikimeve të politikës serbe dhe ruse dhe që “fatmirësisht më pas u mor në dorë nga evropianët dhe amerikanët”.

“Pavarësia e Kosovës u la e mangët, u la në rrugë, ajo nuk ka të drejtë të ketë gjykata. E kuptoni se çfarë çudie e madhe është kjo [për drejtësinë],” – tha Çupi pasi kujtoi se Gjykata që po shqyrton aktakuzat ndaj ish-udhëheqësve të UÇK-së nuk është ndërkombëtare, por gjykatë e Kosovës e ngritur në Hagë.

“Gjykata Speciale i ka thirrur çlirimtarët në grup duke i akuzuar me të njëjtën akuzë çka është një nonsens i së drejtës […] Secili prej tyre paska vrarë nga 100, asnjëri 98, 115, ose tre…” – ironizoi Çupi.

“Gjykata Speciale është e njëanshme. Ajo ka mandat të përcaktuar për të gjykuar krimet e UÇK-së që kanë ndodhur nga viti 1998 deri në vitin 2000, praktikisht ka kapërcyer statusin e saj dhe po gjykon për periudha edhe të tjera,” – shtoi më tej analisti shqiptar.

“Gjykata e Hagës për ish-Jugosllavinë mbaroi mandatin në vitin 2011 dhe i dënuari i fundit ishte Radko Mlladiç, “Kasapi i Ballkanit”, por në këtë vit nisi një gjykatë tjetër për shqiptarët, është krejtësisht e qartë përpjekja për të krijuar barasvlera mes kasapëve të Ballkanit në Bosnje dhe shqiptarët,” – këmbënguli gazetari i njohur Çupi.

Ndiqni intervistën e plotë:

Lexoni gjithashtu:

Frrok Çupi: Një pjesë e madhe e kancelarive të Evropës s’janë me Kosovën