Fshehu në furgon rreth 17 mijë euro, nën hetim 48-vjeçari nga Vlora

Një 48-vjeçar është vënë nën hetim pasi kishte fshehur në furgonin që drejtonte, 16 670 euro, me qëllim mosdeklarimin e tyre në Portin e Durrësit.

Policia bën me dije se gjatë kontrollit të imtësishëm në furgonin me drejtues F. V, u gjetën dhe sekuestruan 16 670 euro, të padeklaruara nga 48-vjeçari, sipas përcaktimeve ligjore në fuqi.

“Në përfundim të veprimeve të para hetimore, specialistët e Seksionit për Hetimin e Krimeve Ekonomiko-Financiare të DVP Durrës referuan materialet në Prokurori dhe nisi procedimi në gjendje të lirë për shtetasin F. V., 48 vjeç, banues në Vlorë, për veprën penale “Mosdeklarimi i të hollave dhe i sendeve me vlerë në kufi”- njofton policia.

Materialet i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme.

LEXONI GJITHASHTU: 

• “Jo traut në Parkun e Divjakës”, banorët protestojnë kundër pagesës
• 8.3 mln euro këtë vit për inceneratorin e Tiranës, fatura e fundit në nëntor
• “Mund të detyrohemi të bëjmë hapa pas”, Dule e Xhaçka debat për integrimin në BE