Funerali i Benediktit XVI do të jetë historik, çfarë ka të veçantë?

Euronews ka intervistuar Jose Manuel Vidal, një anëtar spanjoll i Vatikanit dhe drejtor i “Religion Digital”, një platformë në internet që ofron lajme fetare në spanjisht.

Ai ka treguar veçoritë e varrimit të Papa Benediktit i cili vdiq si papë, por jo si kreu i Vatikanit.

Papa Benedikti u tërhoq më 11 shkurt 2013, Papa i parë që e bëri këtë në 600 vjet.

Kisha Katolike ndjek një protokoll të rreptë sa herë që një papë vdes, duke çuar në konklavën, mbledhjen e kardinalëve në Kapelën Sistine për të caktuar pasardhësin e tij.

Është një ngjarje spektakolare, si çdo gjë që bëhet në Romë, me një mjedis përrallor si Sheshi i Shën Pjetrit, në formën e një zemre, duke mirëpritur mbretër, presidentë, kryeministra dhe turma njerëzish në një mjedis të mrekullueshëm, ku kujdeset për çdo detaj, shpjegon Vidal.

Funerali i fundit i një pape ishte ai i Gjon Palit II, më 2 prill 2005. Ai mblodhi së bashku rreth 300 mijë njerëz rreth Sheshit të Shën Pjetrit.

Vidal thotë se imazhe të ngjashme mund të presim në lamtumirën e Benediktit XVI.

Sipas të dhënave të publikuara nga Xhandarmëria e Vatikanit të martën, më shumë se 60 mijë pelegrinë i janë afruar tashmë Bazilikës së Shën Pjetrit ku ndodhet trupi i Benediktit.

“Nuk është një funeral shtetëror, sepse Papa që ka vdekur nuk është papa në fuqi dhe për këtë arsye nuk mund të jetë një funeral shtetëror,” thotë Vidal.

Faktori i dytë dallues është se një tjetër papë, Françesku, Papa në fuqi me të cilin Benedikti ndau titullin për dekadën e fundit të papatit të tij në pension, do të kryesojë funeralin për herë të parë në histori.

Zyrtarisht janë ftuar vetëm delegacionet italiane dhe gjermane.

Zëdhënësi i Vatikanit Matteo Burni ka saktësuar se “nëse vijnë krerët e tjerë të shteteve apo qeverive, do ta bëjnë këtë në cilësinë personale”.

Vidal beson se kjo nuk do të ndalojë shumë personalitete të tjera që të marrin pjesë në funeralin e Papës së parë në pension.

LEXONI GJITHASHTU:

• Homazhe për Papa Benediktin në Bazilikën e Shën Pjetrit
• Mijëra njerëz në Vatikan për t’i bërë nderimet e fundit ish-Papa Benediktit XVI