Fuqia e detit deri në 8 ballë, përkeqësohet moti në Vlorë, disa fshatra pa energji

Situata meteorologjike në Vlorë është përkeqësuar të premten me reshje të dendura shiu dhe erë të fortë.

Dallgët kamë arritur lartësinë deri në 2.5 metra duke e bërë që lundrimi detar për mjetet e vogla lundruese dhe mjetet e peshkimit të jetë i pezulluar. Tragetet me linjën me Italinë sot sipas grafikut e kanë pushim.

Por nëse nuk do ta kishin dhe lundrimi për ta do të ishte pezulluar. Fuqia e detit në det të hapur shkon deri në 8 ballë ndërsa në gji 6 ballë.

Si pasojë e motit të përkeqësuar dhe erës së fortë, në fshatrat Dukat, Brataj, Gjorem, dhe në Parkun Kombëtar të Llogarasë ka mungesë të energjisë elektrike.

Ky fenomen, që ka bërë që këto zona të mbeten pa energji, është një problem i përsëritur vit pas viti sa herë që ka kushte të këqija të motit.

Mungesa e energjisë është kryesisht për shkak të rrjetit elektrik të vjetruar dhe të papërshtatshëm për t’u përballur me këto kushte atmosferike të rënda. Pasojat e këtij problemi janë të dukshme, pasi shumë banorë dhe biznese në këto zona vuajnë nga ndërprerjet e shpeshta.

LEXONI GJITHASHTU:

• Nga e enjtja ulen temperaturat/ Parashikimi i motit për javën
• Përkeqësimi i motit, pezullohet lundrimi i mjeteve të vogla lundruese në Vlorë