Fushatë e ashpër në Turqi| Erdogan: Do shkatërroj opozitën. Përgjigjet kundërshtari

Zgjedhjet presidenciale në Turqi kanë hyrë në fazën e tyre më të nxehtë. Në 14 maji qytetarët votojnë edhe për presidentin por edhe për zgjedhjet e përgjithshme parlamentare.

Ato cilësohen si një nga zgjedhjet më delikate për presidentin Erdogan.

Kreu i partisë konservatore AKP, përballet me rivalin Kemal Kılıçdaroğlu të Partisë Republikane Popullore. Të dy kandidatët gjatë fundjavës morën pjesë në mitingje të mëdha.

Në kryeqytetin, Ankara, Erdogan premtoi se “me ndihmën e Zotit do të shkatërrojë opozitën”. Deri më tani, praktikisht i palëkundur, Erdogani, një herë kryeministër dhe sot  president, përballet me një rival që po përpiqet të magjepsë elektoratin e ri.

Në total, 5.2 milionë të rinj shkojnë në votime për herë të parë. Ky është një brez që nuk ka njohur asnjë figurë tjetër përveç Erdoganit për të personifikuar pushtetin politik në Turqi dhe që është i etur për ndryshim. Megjithatë, vetëm një e pesta e elektoratit 18-25 vjeç pritet të shkojë në votim.

Kandidadti i opozitës  Kılıçdaroğlu kryeson një koalicion prej gjashtë partish dhe është zotuar të “sjellë dritën në Turqi” dhe “të rindërtojë demokracinë turke”.

LEXO GJITHASHTU:

• Pas problemeve shëndetësore, Erdogan shfaqet bashkë me Putin
• Erdogan rikthehet në fushatë, Izmiri ‘vishet’ me flamurin e Turqisë