Futbollit bëhet ‘çështje politike’ në Gjirokastër, u mbyllin stadiumin

Mbledhja e Asamblesë së Shoqatës Rajonale të Futbollit Gjirokastër nuk ka arritur që të zhvillojë punimet.

Ata akuzojnë se ka pasur  ndërhyrje politike, që arritën deri në mbylljen e stadiumit Luftëtari ku do të zhvilloheshin punimet.

Kryetari i SHRF Gjirokastër, Sadik Sadikaj tha se ka pasur presion ndaj anëtarëve të kësaj shoqate.

Nga 9 delegatë që ishin autorizuar sipas përcaktimeve ligjore nga anëtarët, 5 prej tyre munguan.

Zyrtari i FSHF, Arben Dervishaj thotë se statuti i shoqatës e parashikon që Asambleja të shtyhet me 24 orë.

“Brenda 24 orëve, do të organizohet një Asamble tjetër”, – u shpreh anëtari i KE-së së FSHF-së.