G7 zotohet për një qëndrim të ashpër dhe të unifikuar kundër Rusisë

Ministrat e jashtëm të Grupit të Shtatë Vendeve demokratike më të pasura të botës, u zotuan për një front të unifikuar kundër kërcënimit që paraqet Kina ndaj Tajvanit si dhe agresionit rus në Ukrainë.

Në përfundim të takimeve të tyre të martën, ata shprehën përkushtimin për të forcuar dhe zbatuar sanksione të ashpra kundër Moskës.

Deklarata e përbashkët e kryediplomatëve përfshinte gjithashtu qëndrime të forta, mbi një seri të pashembullt provash me raketa të Koresë së Veriut. Por Kina dhe Rusia morën vëmendjen kryesore të takimit treditor të organizuar nga Japonia.

“Nuk mund të ketë mosndëshkim për krimet e luftës dhe mizoritë e tjera, si sulmet e Rusisë kundër civilëve dhe infrastrukturës jetike civile. Mbetemi të përkushtuar për intensifikimin e sanksioneve kundër Rusisë, duke i koordinuar dhe zbatuar plotësisht ato”, thuhej në deklaratë ndërsa shtohej se Perëndimi, do të vazhdojë të mbështesë Ukrainën, për aq kohë sa do të jetë e nevojshme.

LEXONI GJITHASHTU:

• ‘Kina po copëton BE-në’, Von der Leyen: Pekini me taktikën ‘përça dhe sundo’
• U goditë nga Cikloni Isla, shpëtohen peshkatarët që prej ditësh mbijetonin pa ujë
• Akuzohej për propagandë kundër sistemit, shkrimtarja iraniane dënohet me 7 vite burg