Gara për vendin e tretë, si po përpiqen partitë evropiane të rrisin ndikimin në PE

E djathta radikale dhe liberalët janë në një garë të ngushtë për t’u kthyer në grupin e tretë më të madh të Parlamentit Evropian. Grupi pro-evropian Ripërtëritja e Evropës humbi 20 vende në zgjedhje, pjesërisht për shkak të rezultateve të dobëta të partisë së presidentit Macron. Ndërsa grupi Reformatorët dhe Konservatorët Evropianë, ECR, i drejtuar nga kryeministrja Giorgia Meloni, fitoi 4.

ECR-së iu shtuan anëtarë të rinj nga parti të tjera të reja që nuk ishin rreshtuar përkrah grupit dhe tani e ka kaluar Ripërtëritjen Evropiane, me 83 kundrejt 81 mandateve.

Prurjet më madhore janë 6 anëtarë nga rumunia AUR, një parti e kontestuar që mbështetet në 4 shtylla: familja, atdheu, besimi dhe liria. Por grupi mund të rritet edhe më tej.

“Mund të ketë të tjerë që duan të bashkohen me ECR-në. Jemi në negociata me disa delegacione. / Nuk mund t’ju them se cilët janë, por jemi optimistë sepse rezultatet e zgjedhjeve ishin të qarta. Më shumë pushtet qendrës së djathtë dhe më pak asaj të majtë”, thotë Nicola Procaccini, bashkëkryetar i ECR-së.

Partia e ekstremit të djathtë polak, Konfederacja mund të jetë e para në listë, ndërkohë që dyert janë mbyllur për hungarezen Fidesz, pasi çdo parti që bashkohet me ECR-në duhet të nënshkruajë një deklaratë në mbështetje të Ukrainës.

Konservatorët po përpiqen të rrisin peshën në balancat evropiane, por përmasat e grupeve nuk kanë lidhje me postet kryesore në nivel evropian, shpjegon Sandro Gozi, një nga kandidatët kryesorë të ripërtëritjes.

Edhe liberalët po zgjerohen, duke pritur një euro-deputet nga partia belge të Përkushtuarit dhe synojnë 5 ligjvënësit nga partia pan evropiane Volt.

“Mendoj se shpërndarja e posteve kyçe bazohet tek aleanca politike. Aleanca politike po merr formë dhe unë shpresoj të konfirmohet mes PPE-së, Partisë Socialiste dhe Ripërtëritjes. Dhe postet kryesore do të bazohen në këtë aleancë politike dhe jo në grupe të tjera që nuk i përkasin asaj”, shprehet Sandro Gozi, euro-deputet, Ripërtëritja e Evropës.

Gara për vendin e tretë mund të ndikojë megjithatë në caktimin e presidencave në komisionet e Parlamentit Evropian. ECR-ja pati vetëm një gjatë legjislaturës së fundit dhe tani kërkon më shumë.

LEXONI GJITHASHTU:

• Komisioni Evropian propozoi buxhetin prej 199.7 miliardë euro për BE
• Komisioni Evropian i shqetësuar për financimin e AI, nxjerr ligjin e ri