Garda kombëtare e New Jersey-t stërvitje me forcat ajrore shqiptare

Mirëmbajtësit e avionëve dhe ekuipazhi ajror i Gardës Kombëtare të New Jersey-t ishin këtë javë në Shqipëri, duke bashkëpunuar me Forcat Ajrore Shqiptare në trajnime të përbashkëta dhe mirëmbajtje të avionëve për përgatitje ndaj misioneve kërkim-shpëtimi.

Ambasada Amerikane në Shqipëri ka shpërndarë pamje nga këto stërvitje, ku grupet punojnë me të njëjtin helikopter Black Hawk që ka shpëtuar jetë gjatë operacioneve pas Uraganit Sandy në vitin 2012, duke bashkëpunuar me ekipin e mirëmbajtjes që e përdori atë herë.

Ambasada thekson se bashkëpunimet e tilla janë thelbësore për rritjen e kapaciteteve të përbashkëta për reagimin ndaj katastrofave dhe për forcimin e qëndrueshmërisë së aleatëve të NATO-s.

LEXONI GJITHASHTU:

• Arrestohet 22-vjeçari shqiptar në Athinë, rezulton autori i atentatit ndaj një turku

• Ujërat e ndotura derdheshin në natyrë, nën hetim administratorja e hotelit në Dhërmi