Garda s’lejon deputetin të futet në Parlament/ Sula: S’jam i përjashtuar! Çmenduri!

Kanë nisur tensionet në Kuvendin e Shqipërisë ndërkohë që pritet të nisë seanca e ditës së sotme. Deputetët e përjashtuar të opozitës kanë tentuar të hynë në parlament, por nuk janë lejuar nga punonjësit e Gardës së Republikës.

Gjithashtu nuk është lejuar të futet në sallën e Kuvendit të Shqipërisë as Dashnor Sula, i cili nuk është përjashtuar.

“Shikoni çfarë ndodh, kjo është fytyra e pushtetit. Këtu as opozitë as parlament nuk ka më. Të kërkosh të futesh në vend të punës, e mos të lejojnë kjo është çmenduri”,-tha deputeti Dashnor Sula.

Kujtojmë se deputetët e përjashtuar janë: Ervin Salianji, Bledjon Nallbati, Asllan Dogjani, Lefter Gështenja, Isuf Çelaj, Luan Baçin dhe Xhelal Mziu, Sali Berisha, Flamur Noka, Elda Hoti, Gazment Bardhi, Albana Vokshi, Edi Paloka.

Përjashtimi i tyre është marrë pas trazirave të shkaktuara në Kuvend, ku janë hedhur tymuese ndërsa opozitarët kanë vijuar aksionin e tyre, duke e bërë të pamundur zhvillimin e një seance normale.

LEXONI GJITHASHTU:

• Deputetët e përjashtuar tentojnë të hynë në Parlament, përplasje fizike me gardën
• Shtyrje dhe përplasje në hyrje të parlamentit, Noka thyen xhamin e derës kryesore