Garë teknologjike/ Vendet evropiane ndërtojnë inteligjencë artificiale sovrane

Tre vjet pasi OpenAI lançoi ChatGPT dhe solli inteligjencën artificiale (IA) në përdorim masiv, disa vende evropiane kanë nisur zhvillimin e sistemeve të tyre sovrane të IA-së.

Koncepti i IA-së Sovrane nënkupton aftësinë e një shteti për të krijuar, pritur, vendosur dhe qeverisur teknologjitë e veta, duke shmangur varësinë nga platformat e huaja dhe juridiksionet e cloud-it.

Parlamenti Evropian ka pranuar në një raport të qershorit se blloku “është shumë i varur nga teknologjitë e huaja”, veçanërisht ato amerikane, çka e pengon Europën të ndërtojë kampionët e saj të teknologjisë. Sipas raportit, kjo varësi pritet të vazhdojë për shkak të investimeve të mëdha të SHBA-së në IA vendase, të vlerësuara në 500 miliardë dollarë.

Për të rimarrë avantazhin konkurrues, BE-ja thekson se është e domosdoshme të investohet në kërkim dhe zhvillimin e sistemeve të reja të IA-së. Në këtë drejtim, disa qeveri kombëtare kanë nisur të ndërtojnë modelet e tyre sovrane, duke kërkuar të forcojnë vetë-mjaftueshmërinë teknologjike të vendeve të tyre.

LEXONI GJITHASHTU:

• Ish-gjenerali i SHBA-së: Uashingtoni e sheh Evropën si të parëndësishme
• Dokumenti 1200-faqësh: Gjermania po përgatit me shpejtësi 1 plan mbrojtje nga lufta