Gaza, qindra predha tankesh izraelite goditën kampin e refugjatëve Jabaliya

Qindra predha tankesh goditën kampin e refugjatëve Jabaliya në veri të Rripit të Gazës, megjithëse operacionet tokësore izraelite janë të përqendruara në jug të enklavës, raporton BBC.

“Dje në tregun në Jabalia gërmuam një varr masiv për më shumë se 100 persona, trupat e të cilëve u kalbën në spitalin e rrethuar Kamal Advan”, tha drejtori i përgjithshëm i Ministrisë së Shëndetësisë në Gaza, Munir Al Bursh.

Një raport i Kombeve të Bashkuara thoshte se “më shumë se 100 njerëz vdiqën dhe shumë të tjerë u plagosën nga bombardimet e disa ndërtesave të banimit në Jabalia”.

Autoritetet lokale në Gaza thanë se rreth 100,000 njerëz ishin ende në Jabalia pa ushqim apo kujdes mjekësor, ndërsa tanket izraelite rrethuan kampin.

LEXONI GJITHASHTU:

• Hamasi bën bilancin: Mbi 16 mijë palestinezë të vrarë nga forcat izraelite në Gaza
• Blinken: Izraeli e ka të qartë, duhet t’i mbrojë civilët në Gaza