Gaza| Spitali Al-Aksa do të ndërpresë funksionimin, shkak mungesa e karburantit

“Spitali Al-Aksa në Gazën qendrore do të ndalojë së shpejti funksionimin e tij “për shkak të praktikave të Izraelit dhe zvarritjes së Kombeve të Bashkuara në lidhje me karburantin e nevojshëm për gjeneratorët për të punuar në spital”,-tha Khalil al-Degran, zëdhënësi i Ministrisë së Shëndetësisë së Gazës, në një konferencë shtypi.

Ai tha se spitali mori 3,000 litra karburant të mërkurën, kur i nevojiten 5,000 litra për të funksionuar, duke shtuar se aktualisht në spital janë 1,300 pacientë të sëmurë dhe të plagosur.

“Trajtimi i tyre mjekësor do të ndalet për shkak të mungesës së karburantit. Kemi bërë kaq shumë apele gjatë ditëve të fundit për të pasur urgjentisht karburant në spital, por asnjë palë e interesuar nuk është përgjigjur”,-shtoi ai.