Gazetarët e Euronews Albania raportojnë për ndërprerje të numërimit në disa KZAZ

Në disa KZAZ  është ndërprerë numërimi i votave dhe shkak për këtë sipas raportimit të gazetarëve të Euronews Albania është bërë lodhja e numëruesve.

Ndalon numërimi në Delvinë pasi numëruesit kërkojnë një pushim prej 6 orësh.

Ndërprerje të numërimit ka dhe në KZAZ 42 në Rrogozhinë, pasi numëruesit kanë kërkuar pushim.

“Në Laprakë KZAZ 41 është ndërprerë procesi në mëngjes dhe do rifillojë në orën 12:00. Ky proces do ndëpritet për gjashtë orë. Brenda në qendra ka forca policie që thonë se numëruesit po bëjnë pushim se janë të lodhur,” tha gazetarja e Euronews Albania Esenka Meleqi.

Edhe në Kamëz është ndërprerë numërimi, pasi numëruesit e PS-së kanë kërkuar një pushim për shkak të lodhjes. Në këtë qendër numërimi pritet të rifillojë në orën 16:00.

Ndërkohë procesi i numërit është ndërprerë edhe në Peqin dhe do rifillojë sërish në orën 10:30.

Një KZAZ tjetër që ka ndërprerë numërimin është KZAZ 13 në qarkun e Lezhës dhe aty procesi pritet të rifillojë në orën 12:00.