Gazetari Dervishi tregon çfarë ndodhi në 12 orët e zhdukjes së Bllakos

Alqi Bllako i ka ikur mbulimit të syrit të policisë gjatë 12 orëve kur në media nuk kishte asnjë informacion për vendndodhjen e tij.

Këtë pretendoi gazetari Ferdinand Dervishi në emisionin ‘Sot’ në Euronews Albania.

Ai ndau informacionet që kishte mundur të siguronte se Bllako gjatë kësaj kohe ishte shpërngulur në një banesë tjetër.

Ish-deputeti, sipas Dervishit, ishte dorëzuar në polici vetëm pas negociatave të gjata me persona të nivelit të lartë politik.

“Ky njëri i ka ikur mbulimit të syrit të policisë, është shkëputur dhe është fshehur në një banesë, ku ka ndërruar edhe numrin e celularit. Numrin tjetër, personazhe të ndryshme, që janë persona politikë e kishin. Janë futur dhe kanë nisur të negociojnë me të pasi u ngrit alarmi në Tiranë dhe do ishte shumë e rëndë nëse ai do të zhdukej. Unë mësova se një njëri, edhe më i fuqishëm se një ministër, ka marrë përsipër negociatat dhe e ka bindur të vetëdorëzohet. Por nuk dihet se çfarë negociatash janë bërë”, tregoi Dervishi.

LEXONI GJITHASHTU:

• “Policia humbi kontrollin”, thotë ish-ministri për arrestimin e Bllakos
• Të shtunën Alqi Bllako del para Gjykatës së Posaçme